Biblioteca do IES Punta Candieira

Debuxo feito polo alumno Rubén Caaveiro de 1º de Bacharelato

domingo, 5 de novembro de 2017

Voluntariado Biblioteca - Horario de tardes

Este curso temos no insti a materia de "Voluntariado Escolar" que se imparte dende e na Biblioteca. Hai en total 32 alumnos matriculados e algúns deles, inestimablemente, ofrécense a abrir a Biblioteca Escolar Punta Candieira Cedeira polas tardes, cubrindo así unha carencia que este ano se ve agudizada polas reformas da biblioteca municipal. 
Grazas á dirección do centro, pola colaboración e, sobre todo, grazas a estes alumnos que lle darán un pouco máis de vida á bilbioteca para cubrir necesidades.
O horario que acompaña entra en funcionamento mañá, luns día 6 de novembro


Máis... Samaín

E estas son algunhas das fotos que fixo Quique Vazquez e que Andy Cedeira incluíu no seu vídeo. Non nos puidemos resistir a facer unha pequena selección!








Samaín 2017

A idea deste Samaín especial xurdiu nunha xuntanza entre as bilbiotecas escolares de Cedeira. Un traballo por proxectos que desenvolve Dulce Carro Etchepare cos seus alumnos de 2º de Primaria e a imaxinación e entusiasmo das alumnas de Antropoloxía do IES. 
E alí fomos, a rescatar ao Samaín que andaba durmido e non quería espertar! Un conto dramatizado no que participaron entusiasmados os pequenos da escola. 
Dar as grazas, como sempre é de recibo a Dulce, a Rebeca León Graña, a Andy Cedeira, a Lucia Vazquez Perez, a Antia Cristina Vazquez, a Cristina De Oliveira a Lucía García, a Nerea e a Jessi. 
Rafael López Loureiro que veu compartir un día o seu Samaín.
E a ese colaborador extraordinario que imos nomear bibliotecario de honra, que é Quique Vazquez.
Seguimos a pensar, a imaxinar e compartir!


martes, 24 de outubro de 2017

24 de outubro - Día das Bilbiotecas

Hoxe amaneceu o día con boas novas. Seguimos en Plambe e sentímonos honrados polo que supón de recoñocemento ao traballo de moitas persoas. 
E ademais, hoxe. Un día que debe ser especial para todos os que amamos as bibliotecas.
Para hoxe tiñamos preparadas dúas actividades. Por un lado, a visita dos alumnos de 6º de primaria do CEIP "Nicolás del Río". 60 alumnos que viñan coñecer a biblio que será deles o próximo curso e a participar, debemos dicir que con moito empeño, no que tiñamos preparado.

  • Un rosco de pasapalabra con preguntas artelladas arredor das bibliotecas
  • Unha xincana arredor da CDU. Instrucións e pistas que encheron a biblioteca dunha actividade gratificante.



Os agasallos dos grupos gañadores consistiron en 4 libros que levaron para a biblio do seu cole. E un pequeno paquete con chuches!


Tamén argallamos algo para os alumnos do IES. Unha lista de retos que consistían en localizar libros e autores con características concretas. Dous premios para os que completaron o reto máis axiña e acertadamente. Libros, libros, sempre libros. E doces!



Grazas a todos por participar! Grazas a todos por facer das bibliotecas un espazo vivo! De hoxe nun ano!


domingo, 8 de outubro de 2017

Unha clase LÓVA

Hoxe Paulo propuxo unha dinámica para aprender ritmos e seguir facendo compañía. Non se conseguiu plenamente o reto, pero non hai que esquecer que esto é unha aprendizaxe de longo percorrido, onde os erros forman parte do proceso. 
Aí seguimos!



 Día de reunión entre Bibliotecas

Como xa vén sendo habitual nos dous últimos cursos, o día 5 xuntámonos os equipos das BE escolares. CEIP "Nicolás del Río" e Punta Candieira. E como tamén empeza a ser habitual, planificamos unha chea de actividades conxuntas. Invertimos tempo e gañas. Empezamos a rodar!



A nosa liña do tempo

A concreción do Proxecto reflíctese nesta imaxe da liña do tempo que quere sinalar as distintas fases polas que vai atravesar o proceso.