Biblioteca do IES Punta Candieira

Debuxo feito polo alumno Rubén Caaveiro de 1º de Bacharelato

martes, 23 de maio de 2017

Apadriñamentos lectores e Sementeira de libros

Aquí tedes un emotivo e inesquecible encontro entre os alumnos de 2º de Bacharelato e os alumnos de Educación Infantil. O CEIP Nicolás DEL RÍO e a Biblioteca Escolar Punta Candieira Cedeira concretaron o apadriñamento lector que puxo un bonito broche ás actividades arredor do libro e das Letras Galegas. Agasallos do libro A Galiña Azul para os peques que á súa vez elaboraron marcapáxinas e un bonito caderno de debuxos para os máis grandes.
O noso agradecemento especial aos alumnos de 2º de Bacharelato, ás titoras de Infantil e a Rebeca León Graña. A Andy Cedeira pola intensidade que lle pón ás cousas e a todos os que tedes aportado un pouco de ilusión nesta andaina que é a educación. Boa singladura para todos


Letras Galegas 2017

En homenaxe a Carlos Casares e ás Letras Galegas, os alumnos fixeron lecturas na biblioteca de As laranxas máis laranxas de todas as laranxas. Bailaron e tocaron departindo o seu saber facer.
A desfrutrar!


domingo, 21 de maio de 2017

Día de Europa

Aquí unha pequena mostra do que se organizou no centro o día 9 de maio. A que o argallou todo foi María Novo, que soubo entusiasmar a unha marea de xente dende o Departamento de Francés. Nunca é posible unha festa como esta sen que a xente colabore. Así que cómpre dar as grazas aos alumnos, en primeiro lugar e aos departamentos de idiomas. Pero tamén aos de Electricidade, Música, Ciencias, Xeografía e Historia, Plástica e todos os profesores que aportaron o seu traballo na elaboración dos postres e na decoración dos espazos comúns e da Biblioteca.
De hoxe nun ano!



O que deu de sí o día




xoves, 18 de maio de 2017

Día do Libro e da Lectura

A Biblioteca Municipal de Cedeira, a "Carlos Labraña" do CEIP Nicolás del Río e a Biblioteca Escolar do IES Punta Candieira, xunto con toda a comunidade educativa de Cedeira uniron os seus esforzos para dar corpo a unha actividade en homenaxe ás bibliotecas, á lectura e á educación. Conseguir a todo un pobo sume o seu saber facer nunha actividade desenvolvida arredor dos libros, é un agasallo para o espírito.
As grazas a todos eles. Nin un día do ano sen ler!


sábado, 29 de abril de 2017

Maios Be Punta Candieira - Cedeira

A canción do Maio, interpretada por Antía Vázquez e os alumnos de 2º de ESO. O que argallou todo foi Paulo Montouto SoundMachine. Desfrutade!



DÍA DOS MAIOS


Dicía Vicente Risco que "a Festa dos Maios é a festa da primaveira, ben sexa da súa chegada, ben do seu trunfo. Siñifica o reverdecer das prantas, o comezo do ano agrícola, a ledicia de ver erguerse o sol por riba do hourizonte e coller altura e forza" 
A nosa festa empezou por unha invitación dos Discalzos PoloFestival para participar na súa recuperación desta festa tradicional que o día 29 de maio celebrarán na Vila Vella de Cedeira. Coa aportación e o traballo de moita xente, dende os alumnos dos Ciclos que soldaron a estrutura ata todos os que pasaron en algún momento pola Biblioteca Escolar Punta Candieira Cedeira e quixeron aportar o seu grao de area. 
Aquí vos deixamos unha mostra do que significa colaborar.
Pasade mañá pola festa, cantade, celebrade a primavera e sobre todo convivide! Grazas a todos









luns, 24 de abril de 2017



Día do Libro

Dende a Asesoría das Bibliotecas Escolares agasállannos con este fermoso díptico con poema de Rosalía Fernández Rial para celebrar o Día do Libro. Desfrutade! 
Libros, libros, libros... máis libros por favor!!!

Foto de Biblioteca Escolar Punta Candieira Cedeira.